Skálholt, rannsóknir 1954

Sýnt frá uppgreftri og rannsókn hins gamla kirkjugrunns í Skálholti árið 1954, þar sem ýmsar fornminjar koma í ljós. Meðal þess tilkomumesta sem upp var grafið var steinkista Páls biskups Jónssonar sem lést árið 1211. Kistan er tilhöggvin úr móbergi og vel varðveitt, utan þess að lokið er þríbrotið. Í kistunni var, auk beina Páls, húnn af fagurlega útskornum bagli. Einnig eru í kvikmynd Ósvaldar svipmyndir frá Skálholtshátíðinni 1956 sem haldin var til minningar um níu alda biskupsdóm á Íslandi. Hátíðin þótti takast mjög vel og var ein fjölmennasta og veigamesta samkoma, sem haldin hafði verið. Textahöfundur og þulur myndarinnar er Dr. Kristján Eldjárn en hann hafði einnig yfirumsjón með uppgreftrinum í Skálholt ásamt Håkon Christie, Gísla Gestssyni og Jóni Steffensen.